 |
Willem Nicol is vryskut-predikant van die NG Kerk verbonde aan Stellastraatgemeente. Willem was 33 jaar ’n studenteleraar van die NG Kerk in Pretoria. Hy het twee doktorsgrade, een in Nuwe Testament en die ander in Sistematiese Teologie. Hy het in 2006 uit diens van Universiteitsoord getree en is sedertdien steeds voltyds besig op die terrein van kontemplatiewe spiritualiteit. Hy is verantwoordelik vir die leiding van die weeklikse meditatiewe diens in Stellastraatgemeente, is kursusleier van die opleidingskursus in spirituele begeleiding, lei oral retreats, kursusse en ander byeenkomste en skryf as daar tyd oorbly. Hy doen reeds sedert 2006 spirituele begeleiding met ’n aantal mense en is passievol daaroor. Hy hou van ’n praktiese benadering waarin hy en sy begeleide naby kom aan die werklike situasies in die begeleide se lewe, steeds met die vraag hoe die HERE daarin is. Kontakbesonderhede: 083 966 7831 en epos: wnicol@mweb.co.za |
 |
Hanna van Niekerk is ‘n lewensbegeleier. Haar dienste sluit lewensafrigting (‘life coaching‘), berading en spirituele begeleiding in. Sy ervaar die spirituele in alles in die lewe en word diep geraak deur elke persoon se unieke lewensreis. Haar benadering integreer sielkunde en spiritualiteit, en sy poog om ‘n veilige ruimte te skep vir innerlike bewussyn, heling en transformasie. Sy werk van haar huis af in Monumentpark, Pretoria. Sy kan begeleiding in Afrikaans, Engels en Duits gee, en gebruik ook Skype. Haar loopbaan het begin as bedryfsverpleegkundige waarna sy oorbeweeg het na die bedryfsielkunde-terrein van toesighouers- en bestuursopleiding en organisieontwikkeling. Sy het sedert 1994 haar eie onderneming bedryf wat gespesialiseer het in sielkundige evaluering. Die laaste jare het sy al meer gefokus op die reis na binne wat haar passie is. Sy vind die enneagram nuttig in haar werk. Sy is getroud met Machiel. Hulle het drie kinders en ses kleinkinders. Kontakbesonderhede: Tel: 012 346 3572; Sel: 082 804 2778; epos: mhconsult@netactive.co.za Sien ook www.lewensbegeleiding.blogspot.com |
 |
Renate Wittenberg was a trainee on the first course with Sr Mary Fisher. She is a retired Social Worker and was a volunteer counsellor for Life Line for almost 30 years. She is an active member of the Lutheran Church. Renate is happily married to Dankwart who is semi-retired. They have 2 adult children living abroad. She speaks German, English and Afrikaans fluently. She lives in a retirement village in Pretoria East and is available for spiritual accompaniment.Tel. 012 813 8121 / 082 9250081 en wittenberg@icon.co.za |
 |
Nicolin Hoffmann is uitgesproke oor die onmisbare waarde van Geestelike Begeleiding in die lewe van Christene wat verlang na ‘n dieper, betekenisvolle lewe nader aan God, spesifiek in die tweede helfte van die lewe. Sy glo in die waarde van geloofspraktyke soos stilte, kontemplasie, afsondering, en Gebed van die Hart (centering prayer). Sy bied graag Dames Retreats aan en het voor Covid gereeld Stildienste (‘n diens van musiek, stilte en kontemplasie) Sondagoggende by NG Gemeente Oosterlig asook by Andrew Murray Pretoria aangebied. Nicolin is sedert 2009 ‘n Geestelike Begeleier in Pretoria en bied ook Begeleiding aan via Zoom. Sy is deel van die span wat opleiding bied aan Geestelike Begeleiers in Pretoria. Kontak haar by : creativepurpose@gmail.com of 0842148782 |
 |
Jannie Richter: “Alle mense kan baie daarby baat om begelei te word op die geestelike weg na ’n vervulde lewe. Omdat elkeen van ons uniek is en ’n unieke pad met God stap, moet elkeen ook ’n eie insig ontwikkel oor wat op sy/haar lewenspad aan die gebeur is. Ek ag myself bevoorreg om myself as begeleier te mag aanbied om saam met sommige wat dit wil onderneem, hul lewenspad meer intensief te verken.” Jannie woon tans in die ooste van Pretoria waar hy hom na sy aftrede as predikant in 2016 kom vestig het. Kontakbesonderhede: 082 801 4341 en jannie.richter675@gmail.com |
 |
Naam: Suzette Fischer Begeleiding: Vanaf my huis in Waterkloof en ook via zoom. Afrikaans en Engels. Spirituele Begeleier: sedert 2013 Beroep/belangstelling/passie: Internasionale verteenwoordiger van die Narratiewe Enneagram skool (TNE) in Suid-Afrika en ‘n professionele lid van die Internasionale Enneagram Vereniging. Enneagram Fasiliteerder deur Russ Hudson, Jessica Dibb en Gail Scott Skool. Internasionale “Breathwork Teacher” en ‘n advokaat vir diversiteit en gelykheid van mans en vroue. Kontakbesonderhede: WhatsApp: 0796972558 of suzette@enneagramsa.co.za – www.enneagramsa.co.za |
 |
Dr Piet Muller was ‘n lid van die eerste studiegroep onder leiding van suster Mary Fisher. Na loopbane in die uitgewerswese, joernalistiek en toekomskunde word meer en meer van sy tyd tans deur die spirituele reis in beslag geneem. Het verskeie boeke oor meditasie en gebed geskryf en lei vir die afgelope twintig jaar ‘n weeklikse meditasiegroep, wat tans Vrydae ontmoet in die kapel van die NG Gemeente Lynwood. Bied ook kursusse en retreats aan en vind die sielkunde van Carel G. Jung ‘n nuttige hulpmiddel. Beskou droomanalise as ‘n deel van sy eie geestelike reis. Weens sy eie agtergrond stel hy veral belang in mense wat besig is om deur hul sogenaamde “middeljarekrisis” te werk en in ouer mense wat voel dat hul huidige spiritualiteit hulle nie meer voed nie. Ook in mense wat op hul spirituele reis al die grense van ander godsdienste oorgesteek het. Hy werk vanuit sy huis in Clydesdale (naby Loftus), maar is ook bereid om mense op enige ander plek te ontmoet, ook in hospitale. Adres: Maplelaan 21, Clydesdale Epos: drpietmuller@gmail.com Sel: 082 652 0490. |