Geestelike begeleiding is een van die waardevolste geloofsgewoontes, of geestelike dissiplines, vir Christene deur die eeue. Deur begeleiding word jy herhaaldelik uitgenooi om die werklikheid van jou lewe in die oë te kyk. Dit is in hierdie werklikheid waar jy God ontmoet.

‘n Geestelike begeleier is ‘n persoon met wie jy kan gesels oor alle aspekte van jou lewe en, wat ‘n getuie is van jou lewe en jou pad met God. Die geestelike begeleier help jou om verantwoordelik en getrou te bly met jou geestelike dissiplines en lei jou om raak te sien waar God teenwoordig is in jou lewe. Die begeleidings proses fasiliteer uiteindelik ‘n dieper verhouding met God.